Kryekuvendari i Maqedonisë, Talat Xhaferi priti në takim lamtumirës ambasadoren e Bosnjës dhe Hercegovinës, Lepa Babiq.
Me këtë rast, Xhaferi shprehu kënaqësinë për bashkëpunimin e deritanishëm dypalësh dhe e falënderoi ambasadoren për angazhimin e saj në përforcimin e marrëdhënieve miqësore ndërmjet dy vendeve.
Nga ana tjetër, edhe ambasadorja Babiq shprehu falënderimet për mundësinë për takim dhe për besimin se të dy vendet do të vazhdojnë me marrëdhëniet e shkëlqyera dhe për angazhimine përbashkët për anëtarësim në strukturat euro-atlantike.
Bashkëbiseduesit folën edhe për marrëveshjet dypalëshe dhe për memorandumet, që janë në interes të të dy shteteve dhe që janë në fazën përfundimtare.