Sinqerisht ju pyesim, i nderuar deputet i përjetëshëm i BDI-së, Xhevat Ademi, a me të vërtet nuk mund të kalojnë amandamentet e propozuara nga Besa e Bilallit dhe Aleanca e Selës? Po çfarë paskërka qenë ajo kushtetuata juaj e Maqedonisë e pathyeshme dhe pandryshueshme, aq e palëvizëshme dhe e kështjelluar sa që s'mund ta lëvizë askush.
Si është e mundur kushtetutën aq të dashur të shtetit të Ivanovit që me anë të 80 deputetëve t'ia ndryshoni kokën e preambullës prej Maqedoni në Severna Maqedonia e mos t'ia ndryshoni trupin e kushtetutës maqedone-shqiptare me anë të amandamenteve të propozuara.
Zotëri Xhevat Ademi, partia juaj së bashku me kryetarin mos ndoshta jeni të lindur e të aftë mu atëherë kur situata politike shqiptare ka qenë më e favorshme ndaj maqedonasve, ju çdoherë këtë popullatë shqiptare e keni futur nën kurthet tuaja politike?
-Kurthi parë, 2001, Marrëveshja e Ohrid, u ndërrua kushtetuta po kurrgjë për shqiptarët;
-Kurthi dytë, Marëveshja apo Deklarata Politike Shqiptare e Edi Ramës për të hyrë në qeveri, ç'u bë e ku shkoi marrëveshje e Tiranës dhe Edi Ramës, kurrgjë për shqiptarët;
-Kurthi tretë, pas votimit të 80 deputetëve për ndërrimin e emrit të Maqedonisë dhe kushtetutës së saj sipas marrëveshjes me qeverinë greke, përsëri kurrgjë.
Zotëri Xhevat Ademi gjatë qeverisjes suaj dy herë është ndërruar kushtetuta, me 2001 me marrëveshjen e Ohrid, kurrgjë për shqiptarët; dhe, tani me marrëveshjen e Prespës me Greqinë, prapë kurrgjë për shqiotarët, po atëherë dhe një pyetje, na tregoni, zotëri Xhevat, kur do bëni donjë gjë të mirë?, kurrë.