Gjatë fundjavës së kaluar në rajonin e Shkupit kanë ndodhur 24 aksidente trafiku, në të cilat një person ka ndërruar jetë, dy janë lënduar rëndë dhe 15 tjerë kanë marrë lëndime më të lehta trupore.
Nga SPB Shkup njoftojnë se gjatë fundjavës kanë zbuluar dhe sanksionuar një numër të madh të shkeljeve në trafik.
“117 shoferë janë gjobitur për shkak të tejkalimit të shpejtësisë. Gjithashtu 95 shoferë janë përjashtuar nga komunikacioni, prej të cilëve 45 kanë vozitur nën ndikimin e alkoolit, 37 kanë qenë pa leje për vozitje dhe 13 fillestarë”, thuhet në njoftimin e SPB Shkup.
Ata thonë se janë sanksionuar edhe 11 shoferë, të cilët kanë kaluar rrugën në dritën e kuqe të semaforit.
