Zëdhënësi i partisë maqedonase në pushtet LSDM, Kostadin Kostadinov nëpërmjet një konference për shtyp para selisë së OBRM-PDUKM-së tha se “lidhjet e anti-perëndimorit Hristijan Mickoski me mentorin e tij dhe bartësin e krimit, Nikolla Gruevski dolën në pah”.
“Mickoski përderisa ke qenë këshilltar i Gruevskit, përmes ‘Energotek’ ka marrë miratim për shfrytëzimin e ujit tokës shtetërore për ndërtimin e hidro-centraleve” tha Kostadin Kostadinov duke shtuar se në këtë kompani janë të përfshirë Dimitar Dimovski, anëtari aktual i KE të OBRM-PDUKM-së dhe ish-ministri i Transportit dhe Lidhjeve, Mile Janakieski.
Ai cek se dorë e dikurshme e majtë e Mile Janakieskit, Igor Janushevi, është Sekretari i Përgjithshëm i, siç thotë ai, kryesisë anti-perëndimore të OBRM-PDUKM-së.
“Ai është i njëjti Igro Janushev i cili është i dyshuar në hetimin e PSP-së për furnizimin e autobusëve që ka dëmtuar buxhetin e Republikës së Maqedonisë 5 milionë eleurove”, tha Kostadinovi duke akuzuar se në kryesinë e OBRM-PDUKM-së qeveris e njëjta matricë si ajo e Gruevskit.
