Përmes një kumtese të lëshuar, ka reaguar partia maqedonase në pushtet ndaj reagimit të Dimçe Arsovskit nga OBRM-PDUKM-ja.
“Katastrofë ekonomike ishte qeverisja kriminale e OBRM-PDUKM-së, udhëhequr nga bartësi i krimit Nikolla Gruevskit, kur ekonomia shkatërrohej, dhe qytetarët varfëroheshin për t’u kryer apetitet e Gruevskit dhe bashkëpunëtorëve të tij”, thonë nga LSDM.
Qeveria e udhëhequr nga LSDM, thonë ata, punon përgjegjshëm dhe menaxhon me paratë e qytetarëve ndërsa kryesia anti-perëndimore e OBRM-PDUKM-së nuk din si të punojë në mënyrë të përgjegjshme, dhe nuk mund të pajtohet me politikat e sukseshme.
“Raporti i Bankës Popullore të Republikës së Maqedonisë thekson se parashikimet më të fundit tregojnë themelet e shëndetshme dhe të qëndrueshme të ekonomisë së vendit, me potencial për rritje solide, mbështetur nga aktiviteti kreditues i bankave, si dhe intensifikimin e rritjes ekonomike në tre vitet e ardhshme” kumtojnë nga LSDM. duke shtuar se parametra të shumta ekonomike siç janë rritja e pagave, rritja e eksportit, konsumi dhe prodhimi industrial, numri rekord i investimeve të huaja, tregojnë qartë se ekonomia është e stabilizuar dhe po lëviz në drejtim të mirë.
