Seanca e sotme gjyqësore për rastin “Titanik” u shty për datën 23 të këtij muaji për shkak se gjykatësi Osman Shabani në fillim të seancës tha se për arrestimin e Mile Janakievskit dhe Kirill Bozhinovski ka qenë i informuar në mëngjes dhe nuk ka mundur të dërgoj kërkesë zyrtare për sjelljen e tyre nga burgu i Shutkës në Gjykatë.
Në seancë nuk ishte i pranishëm as Nikolla Gruevski i cili gjendet në arrati në Hungari. Prokurorja Lile Stefanova tha se për shkak dyshimeve që edhe Mile Janakievski dhe Kirill Bozhinivski të arratisen njëjte si Gruevski u është shqiptuar masa e paraburgimit. Prokurorja po ashtu kërkoi që Nikolla Gruevski të gjykohet në mungesë.
