Në seanca të ndara publike në Gjykatën e Apelit, avokatët e Mile Janakieskit dhe Kirill Bozhinovskit sot do të arsyetojnë ankesat e tyre, përmes së cilave kërkojnë shfuqizimin e masës së paraburgimit për klientët e tyre.
Janakieski dhe Bozhonovski u arrestuan më 14 nëntor me kërkesë të PSP-së, e cila dyshonte se ata kanë planifikuar të arratisen. PSP kërkesën e tyre e ka arsyetuar nga një kërkesë e Janakieskit që të falet nga presidenti Gjorge Ivanov,
Avokatët e tyre theksojnë se ata janë paraburgosur pa mos ju mundësuar të dalin para gjykatës dhe shtuan se nuk janë ballafaquar me dëshmitë. Ata thonë se nuk ekziston kërkesë e tillë për presidentin Ivanov.
Ndërsa nga kabineti i presidentit e kanë mohuar një lajm të tillë, duke thënë se Ivanov është takuar me Mile Janakieskin ditën kur Gruevski njoftoi në Facebook se ndodhet në Hungari.
Ndërsa nga OBRM-PDUKM thonë se paraburgimi është bërë për qëllime politike.
