Lidhur me kushtet në shkolla, në të cilat mungon hapësira dhe në disa të tjera ku nevojitet punësimi i mësimdhënësve, Ministria e Financave drejton gishtin drejt Ministrisë së Arsimit dhe Shkencës, duke thënë se kjo ministri në buxhetin e saj vetë duhet të ndajë mjete për investime në shkolla.
Zëvendësministrja e financës, Shirete Elezi për Portalb tha se shkollat dhe komunat me dokumentacionin e kompletuar duhet të konkurrojnë me projektet e tyre në MASH dhe ky dikaster duhet të ndajë mjete nga buxhetinë bazë të nevojës për rinovimin dhe ndërtimin e shkollave fillore dhe të mesme në vend.
“Për rikonstruime dhe investime në shkolla aprovohet buxheti dhe aty Ministria e Arsimit dhe Shkencës duhet të bëjë ndarjen për mjete të caktuara që i nevojiten, siç është rikonstruimi i shkollave fillore, të mesme, për ndërtim të shkollave të reja etj. Ne e ndajmë buxhetin që ja dedikojmë MASH-it dhe ajo është përgjegjëse për planin dhe programin. Pastaj komunat konkurrojnë në MASH me projekte të ndryshme, kuptohet me dokumentacion të kompletuar, me leje me projekt të detajuar e kështu me radhë. E më pas fillojë realizimi. Kjo është komplet e decentralizuar në nivel të MASH-it që duhet t’i sigurojë mjetet”, tha për Portalb, Elezi.
Kurse sa i përket procedurës së punësimit, Elezi shtoi se aprovimi jepet nga Ministria e Financës.
“Meqë ka të bëjë me punësime të reja, kjo ka implikim fiskal dhe të gjithë drejtohen te Ministria e Financave dhe ne bëjmë një kontroll në hapësirat që janë në mjetet dotacionet dhe bëjnë aprovimin e të njëjtave”, shtoi Elezi.
Ndryshe, shkollat fillore ‘Petar Zdravkovski-Penko’ dhe ‘Ismail Qemali’ ballafaqohen me mungesë të hapësirës, ku në njërën shkollë pothuajse të gjitha paralelet tejkalojnë numrin maksimal të lejuar me ligj, kurse në tjetrën nxënësit e klasës së parë mësojnë në hapësirat e çerdhes.
Nga MASH për shkollën ‘Ismail Qemali’, thanë se janë në dijeni por nuk saktësuan se kur do të zgjidhet problemi, kurse sa i përket shkollës ‘Petar Zdravkovski-Penko’, thanë se kërkesa për zgjerimin e objektit aktual nuk është bërë ende në këtë dikaster nga ana e komunës së Butelit, nën kompetencat e së cilës bie kjo shkollë.
Ndërkaq, sipas ligjit të Ministrisë së Arsimit dhe Shkencës, numri minimal i nxënësve në një paralele është 24 dhe maksimal 34, mirëpo paralele mund të formohet edhe me numër më të vogël nëse plotësohen kushtet.
Prindërit kërkojnë që:
Komunat të kërkojë zgjidhje afatgjate të problemit
MASH të angazhohet më shumë në ndarjen e paraleleve që tejkalojnë numrin e nxënësve të caktuar me ligj dhe ndërtimin e shkollave ku është e nevojshme
Çdo prind që ka ankesa për ndonjë parregullsi në shkollat fillore të Maqedonisë, mund të paraqet rastin te këto sektorë dhe persona përgjegjës pranë Ministrisë së Arsimit dhe Shkencës :
Sektori për arsimin fillor
Sektori për arsim fillor përfshin dy njësi dhe atë:
-Njësia për arsim fillor
-Njësia për financimin e arsimit fillor dhe zhvillimin e karrierës
Udhëheqëse sektori:
Elena Ivanovska +389 2 3117 896 [email protected]
Sektori për standarde të nxënësve dhe studentëve
Në këtë sektor ka dy njësi:
-Njësia për standard të nxënësve dhe
-Njësia për standard të studentëve
Përgjegjësit e këtyre sektorëve janë:
Qenan Sali +389 2 3117 896 [email protected]
dhe
Xhemile Idrizi +389 2 3117 896 [email protected]
