OBRM-PDUKM: Shkupi me ditë të tëra është qyteti më i ndotur në Evropë, Qeveria nuk ndërmerr asgjë - Bota Sot
OBRM-PDUKM: Shkupi me ditë të tëra është qyteti më i ndotur në Evropë, Qeveria nuk ndërmerr asgjë

Maqedonia

OBRM-PDUKM: Shkupi me ditë të tëra është qyteti më i ndotur në Evropë, Qeveria nuk ndërmerr asgjë

Më: 10 dhjetor 2018 Në ora: 10:17
OBRM-PDUKM

Nëpërmjet një kumtese të lëshuar nga partia opozitare maqedonase OBRM-PDUKM thonë se “Shkupi me ditë është qyteti më i ndotur në Evropë, dhe në 10 qytetet më të ndotura në botë”.

Sipas OBRM-PDUKM-së, problem me ndotjen e ajrit kanë në Manastir, Strumicë, Koçan, Kumanovë dhe qytete tjera, por Qeveria, nuk ndërmerr asgjë, njofton Telegrafi Maqedoni.

“Premtonin shumë, dhe nuk realizuan asnjë masë për përmirësimin e cilësisë së ajrit. Niveli i ndotjes së ajrit është nga pesë deri në dhjetë mbi të lejuarën. Kjo është e rrezikshme për shëndetin e njerëzve, që secilën ditë i mbushin entet mjekësore në shtet, por edhe për mjedisin jetësor në përgjithësi”, kumtojnë nga OBRM-PDUKM.

Ata shtojnë se Zoran Zaev, Jani Makraduli dhe Petre Shilegvoi, më shumë duan të flenë në Kuvend dhe të luajnë lojëra se sa të ndërmarrin diçka kundër ndotjes enorme të ajrit.

“Në vend se të ndikojnë në përmirësimin e cilësisë së ajrit, kompetentët si ministri Sadulla Duraku me arrogancën sillen dhe qasen ndaj qytetarëve”, thonë nga OBRM-PDUKM.

Ata përmendin masat që OBRM-PDUKM i ka propozuar dhe që Qeveria të ndërmerr dhe se LSDM nuk duhet të sillet në mënyrë arrogante dhe të punojë për interesat e qytetarëve dhe jo ato personale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...