Jemi në prag të festave të fundvitit dhe ndërkohë që “kthejmë kokën” pas për të parë se çfarë kemi arritur mendojmë edhe për qëllimet e Vitit të Ri.
Kjo ka ndodhur edhe në emisionin “Xing me Ermalin” në Tv Klan.
Moderatori Ermal Mamaqi iu kërkoi të ftuarve të tij të tregonin publikisht zotimet për 2019-ën.
Këngëtarja Albërie Hadërgjonaj ishte e para që tha zotimet për Vitin e Ri dhe një ndër to ishte që të gjejë një burrë si ai i modeles Emina Çunmulaj.
Ermal Mamaqi: Albërie cilat janë zotimet që ke ti për 2019-ën? Kujdes se po të shikon familja, fansat.
Albërie Hadërgjonaj: Zotohem se në vitin 2019 nuk do të ndryshoj si njeri, do jem e çiltër. Ndoshta është një zë edhe për gratë, vajzat dhe nënat që të mos kenë frikë dhe ta përballojnë jetën ashtu siç iu vjen.
Një masë e vogël thonë: Kjo është çmendur, shikoni si është bërë. Shumë mirë jam. Do merrem me trupin dhe fytyrën time dhe do t’i bëj siç ma do shpirti im. Dhe e treta për vitin 2019, do Zoti e gjej një burrë si të Emina Çunmulajt.
Ermal Mamaqi: Ishalla.
Albërie Hadërgjonaj: Eminën ti e ke patur këtu, ajo mori një burrë me kombësi tjetër dhe po bën çudira që të ndihmojë popullin e saj dhe njerëzit në nevojë. Ndërsa ne kemi biznesmenë milionera dhe deputetë për të cilët betohem se nuk do ti përkrah dhe nuk ndihmojnë.
