Në një intervistë për Vogue, Bella Hadid zbuloi se ajo ndihej më mirë se kurrë dhe se gjendja e saj mendore ishte shumë e rëndësishme për të.
Modelja e njohur iu përgjigj 73 pyetjeve derisa shëtitej nëpër fermë me kuaj. Intervista filloi me përshkrimin e karrierës së saj si kalorëse, dhe ajo tha se kishte zgjatur 10 vjet.
Bella më parë kishte qenë cak i kritikave pasi kishte postuar fotografi dhe pamjet që tregonin se sa e hollë ishte ajo, dhe kjo kishte një efekt të rëndësishëm në gjendjen e saj psikologjike.
"Kjo është vërtet e trishtuar. Ajo flet për vetëbesimin dhe është e dobët. Industria në të cilën punon ka standarde të neveritshme të bukurisë", shkroi një nga përdoruesit e Instagram-it.
Në videon që regjistroi për Vogue, modelja e njohur duket krejtësisht normale dhe e kënaqur. Ajo tregon se gjendja e saj emocionale dhe psikologjike është më e rëndësishme se çdo gjë tjetër.
