Cardi B do të lansojë një album të ri në vitin 2019!
Reperja e ka bërë të ditur këtë lajm të mirë derisa po bisedonte me fansat e saj në Instagram Live, ditën e Vitit të Ri.
“Natyrisht që do të ketë një album në vitin 2019. Shpresoj se mund ta përfundoj albumin tim në kohën e njëjtë që edhe Invasion of Privacy është lansuar, por nuk e di sa do të jetë e mundur një gjë e tillë sepse besoj se do të jem shumë, shumë e zënë”, ka thënë ajo.
Ashtu sikur fansat e dinë, Invasion of Privacy, është lansuar në muajin prill të vitit të kaluar dhe shumë shpejt u bë një nga albumet më të njohura të vitit.
Reperja, nga atëherë, ka qenë pjesë e disa projekteve të kolegëve të saj, përfshirë edhe “Girls Like You” të Maroon 5 dhe “Mi Miami” të El Alfa.
Por ajo nuk ka publikuar asgjë të re për vete.
