Këngëtari i dashur për publikun shqiptar, Robert Berisha, feston sot 41-vjetorin e lindjes.
Familjarë, miq dhe fansat e tij e kanë uruar Robertin nëpërmjet rrjeteve sociale që në orët e para sapo ka hyrë mesnata.
Por urimin më të veçantë ai e ka marrë nga vajza e tij 4-vjeçare, Renee.
Këngëtari ka publikuar në “Instastory” një video ku zbulon urimin e ëmbël të së bijës.
Kjo e fundit i ka kënduar të atit këngën e ditëlindjes e shoqëruar me muzikën e luajtur në piano. Edhe pse ende e vogël, Renee ka trashëguar nga prindërit talentin për muzikë.