Supermodelja Gigi Hadid është hedhur në gjyq për shkak të një fotografie të vetes së saj që publikoi në Instagram.
Agjencia fotografike që realizoi foton po padit yllin e pasarelave për shkelje të së drejtës së autorit.
Fotografia, që tani është fshirë, u postua në profilin e “Victoria’s Secret Angels” më 11 tetor të vitit 2018.
“Hadid e dinte se kopjimi apo postimi i fotografive të saj në Instagram ose media të tjera sociale mbi të cilat ajo nuk ka marrë leje nga mbajtësi i të drejtës së autorit përbënte shkelje të së drejtës së autorit”, thuhet në padi.
“Agjencia është informuar dhe beson se Hadid, pa lejen apo pëlqimin e Xclusive, ka kopjuar dhe përdorur një fotografi me të drejtë autori në llogarinë e saj në Instagram. Duke vepruar kështu, ajo ka shkelur të drejtat ekskluzive të riprodhimit dhe shpërndarjes. Xclusive informohet dhe beson se akti i shkeljes ishte i qëllimshëm”, thuhet tutje në padi.
