Reperi i famshëm shqiptar, Gashi, ka performuar mbrëmë live për herë të parë hitin e tij të ri “My Year” në studion e Jimmy Fallon. Kënga është në bashkëpunim me reperin me famë botërore G-Eazy.
Fillimisht Gashi u shfaq i veshur me një kapuç në formë maske në kokë, më pas e hoqi atë për t’u njohur nga të gjithë.
Ndërkohë gazetari i njohur Jimmy mbante në dorë albumin e Gashit dhe prezantonte bashkëpunimin e parë të dy reperëve që mesa duket është mjaft i suksesshëm.
Të gjithë të pranishmit u emocionuan nga kjo performancë, e madje studioja mori “flakë” kur Gashi dhe G Eazy shkuan në mesin e publikut për të performuar këngën e tyre hip-hop.
Në studio ishin gjithashtu edhe prindërit e reperit shqiptar, të cilët Jimmy Fallon nuk hezitoi aspak t’i takonte pas spektaklit.
