Pushimet e tyre nisën bashkë në Austri, por më pas Luana Vjollca vendosi që me partnerin Krenar Çoçaj, të arratisej në Maldive.
Ndonëse aventurave në borë u erdhi fundi për Luanën, dy motrat e saj Marina dhe Lira nuk ndryshuan destinacion
Të gjithë do të donim që të ishim ne vend të saj, përfshirë këtu edhe Marinën, e cila gjeti rastin për t’ia shprehur mërzinë në një nga fotot që Luana publikoi dje.
Me disa emoji duke qarë, Marina shkroi: “Që nga ky moment e ke ‘block’ nga unë”.
Por Luana nuk e ka lënë me kaq.
Ditën e sotme moderatorja teksa shijon një pije në ishujt Maldive ajo e ka 'thirrur' Marinën për të shijuar një pije tradicionale të ishujve së bashku, por ajo i është përgjigjur duke i thënë: “Përplase për koke më mire”.
Siç duket Marina është ende e “inatosur” me Luanën, për këto pushime të dyta pranë detit pa prezencën e saj.