Ylli i realitetit, Khloe Kardashian, është kritikuar në rrjetet shoqërore pas publikimit të fotografisë me manikyrin e saj.
Në foto dukeshin thonjtë e saj të gjatë të rregulluar dhe mori mbi një milion pëlqime, por disa nëna e kritikuan ashpër.
“Si i ndërron pelenat e bebes. Si mund të pastrosh zonën intime të bebes dhe nuk kujdesesh aspak për beben me ata thonj’, ishin disa nga pyetjet. Khloe pas shumë pyetjeve të tilla vendosi në fund të kthejë përgjigjen.
“Aq shumë më nervozojnë njerëzit kur flasin për thonjtë e mi. Besoni, ia arrij krejt në mënyrë normale. Ashtu siç përkujdesem për veten, ashtu përkujdesem edhe foshnjën. Ka tema më serioze për të cilat nevojitet të diskutohet”, porositi Khloe.