Altuna Sejdi duket se nuk e ka ndërmend të ndalet me videot e reja.
Brenda disa orëve solli dy video të këngëve që janë pjesë e albumit më të ri të titulluar “Fortuna”.
Fillimisht këngën “Ti m’ke zemër” e shoqëroi me video ndërsa më pas edhe baladën në bashkëpunim me Yll Limanin “A don hala”.
Tashmë edhe një balade tjetër i ka sjell videon – “Plagë” – teksa kënga pritet të shndërrohet në një hit të vërtetë.
Gjersa në dy të parat ka bashkëpunuar me Aida Barakun dhe Armend Rexhepagiqin, në këtë të fundit ka ndryshuar bashkëpunëtorët.
Muzikën e këngës e ka bërë Yll Limani dhe Gezim Lazri gjersa për tekstin u kujdes, po Ylli.
Ndryshe, Tuna ka paralajmëruar se do të sjell edhe video të tjera të këngëve të albumit.
