Johnny Depp thuhet se ka shkatërruar banesën e ish-gruas së tij në vlerë 3 milionë dollarë gjatë një grindje të ashpër në vitin 2015, sipas një dosje gjyqësore.
DailyMail.com ka siguruar fotografitë e rrëmujës që tregojnë orendi të thyera dhe veshje e pajisje të shpërndara nëpër dhomë, pas dhunës së shkaktuar nga ana e aktorit.
Aktorja Amber Heard dhe avokatët e saj paraqitën këto foto në përgjigje të një padie për shpifje prej 50 milionë dollarësh të ngritur kundër saj nga ana e ish-bashkëshortit të saj.
Depp pretendon se ofertat për filma filluan të bien pasi Heard e akuzoi për abuzim dhe ato u përkeqësuan, pasi ajo botoi një shkrim në Washington Post për abuzim, transmeton KosovaPress.
Heard në shkrim nuk përmendi Depp me emër, por i referohej ndarjes së trazuar nga aktori. Pas kësaj avokatët e Depp paraqitën padi kundër saj për thyerje të marrëveshjes për heshtje të cilën e kishin arritur pas ndarjes.