George dhe Amal Clooney po e kalojnë Festën e Pashkëve në Irlandë duke u njohur me të afërm të familjes së tij.
Aktori i famshëm hollivudian si dhe avokatja për të drejtat e njeriut kanë marrë me vete edhe dy binjakët e tyre, Ella-n dhe Alexander, dhe po qëndrojnë në një hotel luksoz në Qarkun e Laois, sipas mediumit Irish Independent.
Sipas këtij raporti, aktori thuhet të jetë gëzuar shumë që është rilidhur me të afërmit e tij në një ribashkim të organizuar nga prindërit e tij, Nick dhe Nina.
Dyshja e famshme po ashtu u panë të shtunën duke darkuar me vokalistin e bendit irlandez U2, Bonon, në një restorant në Dablin.
