Pjesa e preferuar e Kit Harington në “Game of Thrones”, mund të surprizojë disa njerëz, përfshirë këtu edhe gruan e tij Rose Leslie, sepse është skena e vdekjes së saj.
Aktori 32 vjeçar zbuloi se skena e tij e preferuar me Rose ishte kur ajo i vdiq në krahë.
“Më pëlqente vdekja e saj. E di, kjo tingëllon çuditshëm. Ishte hera e parë që u përdor ‘slowmotion’ (xhirim i ngadalësuar) në Game of Thrones dhe mendoj se ishte një moment i mrekullueshëm”, tha ai për People.
Rose dhe Kit u martuan në qershor të vitit 2018 pas takimit në vitin 2012, ndërsa po filmonin “Game of Thrones”.
