11 orë më parë, pak para së të arrestohej reperja Loredana Zefi, vëllai i saj Bekimi, që së bashku me të dyshohen se mashtruan një çift nga Zvicra, publikuan edhe fotografinë e fundit në rrjete sociale.
Vëllai i reperes, Bekim Zefi ka publikuar fotografinë ku shihet i përqafuar me motrën e tij.
Loredana në anën tjetër shihet e buzëqeshur.
Loredana Zefi dhe vëllai i saj, Bekim Zefi, po akuzohen se kanë mashtruar një çift nga Zvicra dhe ia kanë marrë rreth 900 mijë franga.
Çifti e ka rrëfyer të gjithë ngjarjen që ka ndodhur, e cila ka nisur nga viti 2016. Prokuroria tashmë ka nisur hetimet rreth Loredanës, e cila u arrestua dje në një apartament dhe u bastis shtëpia e saj.
Në kuadër të hulumtimit të bërë nga gazeta 20.minuten, tregohen edhe kërcënimet që Loredana dhe vëllai i saj ia kanë bërë çiftit atje.
