Jennifer Lopez ka nisur provat për turneun e ardhshëm dhe partneri i saj, Alex Rodriguez i qëndron gjithmonë pranë.
Ndërkohë që ajo po bënte prova kërcimi me ekipin, Alex luante me duart duke treguar për të gjithë talentin e tij si kërcimtar.
Alex shpërndau në Instagram videon e të fejuarës duke u përgatitur për turneun "It's my party", ndërkohë që vetë imitonte kërcimin e tyre.
"Po përgatitem për turneun JLoItsMyParty! Mendoni se ia kam dalë?", shkruajti ai në postim.
Ndërkohë turneu i ri i yllit të popit do të ketë 34 shfaqje në Azi, Europë dhe Amerikën e Veriut. Shfaqja e parë do të nisë më 7 qershor në Inglewood, Los Angeles.
