Në muajin Shkurt u martua me të dashurin e shumë viteve Ali Atay, ndërsa sot aktorja turke Hazal Kaya ndan me ndjekësit lajmin se është 11 javësh shtatzënë.
Raportimet mbi shtatzëninë e saj kishin qarkulluar në median turke menjëherë pas dasmës, por vetë aktorja ka preferuar të ruajë heshtjen.
Tashmë është vetë Kaya, e njohur për rolin e Maral, ajo që nëpërmjet një postimi në rrjetet sociale shuan çdo dyshim.
“Jam shumë e lumtur t’ju njoftoj se: po jam shtatzënë. Bebja jonë është 11 javëshe. Kemi preferuar të mos e bëjmë publike deri më tani sepse 2 muajt e parë janë shumë të ndjeshme.
Kontrolli i fundit kaloi shumë mirë dhe dëshirojmë që gëzimin ta ndajmë me ju…Gjithçka është në rrugën e vet, bebja është e shëndetshme dhe ne jemi shumë të lumtur. Jam e sigurt se me energjinë pozitive që do më përcillni gjithçka do të jetë edhe më e bukur. Ju falënderoj”, shkroi 28-vjeçarja në një postim në Instagram.
