Bora Zemani, Romeo dhe Donald Veshaj, kanë zbuluar më në fund detaje rreth emisionit të tyre që do të quhet “Treshat”.
Moderatorja e njohur dhe dy aktorët e spektaklit “Al Pazar”, kanë publikuar në profilet përkatëse në “Instagram”, spotin e emisionit që do të nisë në qershor në “Vizion Plus”.
Nga video promo konfirmohet natyra humoristike e emisionit dhe duket sikur ironizon gjithë programet e tjerë televizivë.
Ndërkohë bëhet e ditur se “Treshat” do të transmetohet çdo të premte duke u bërë kështu ndër të paktat emisione që transmetohen gjatë verës.
“Ne nuk mërzitemi nëse nuk na shikon. Është e vështirë të bindësh bananen se luleshtrydhja është më e mirë se bananja”, thotë Bora në fund të spotit.