Një fanse solli në jetë fëmijën që mbante në bark, gjatë koncertit të këngëtares Pink.
Ngjarja ndodhi në ‘Anfield Stadium’ të Liverpool, në Angli të martën mbrëma. Gruas Denise Jones, i nisën dhimbjet gjatë këngës “Get The Party Started”.
Ndihma e shpejtë e cila u lajmërua, ndërhyri me furi duke krijuar hapësirë mes publikut, për të shkuar te Denise.
“E çuam me urgjencë në ndihmën e shpejtë të stadiumit dhe duke parë situatën, nuk kishim ç’të bënim, veçse fëmija të lindte aty”, thanë mjekët që e asistuan.
Në nder të këngëtares, nëna e re 32-vjeçare e quajti të bijën Dolly Pink.
Fatmirësisht fëmija është mirë dhe peshon rreth 3 kilogramë.
“Jam ende nën shok, edhe sepse humba një pjesë të koncertit. Por nuk mund të jem më e lumtur se tani. Vajzën kishim vendosur që ta quanim Dolly Louise, por duke qenë se lindi në koncertin e këngëtares time të preferuar, e quajtëm Dolly Pink”, tha 32-vjeçarja.