Javën e kaluar Kim Kardashian lançoi linjën e re të korseve nën emrin, “Kimono by Kim Kardashian”.
Ky emër nuk u prit aspak mirë nga ndjekësit e saj, të cilët mendojnë se me të ka cenuar kulturën japoneze. Kimono është një veshje tradicionale e Japonisë, ndaj ndjekësit e këtij vendi nuk dëshironin që Kim të përdorte emrin e tyre për linjën e saj. Ylli i “Keeping Up With The Kardashians” i mori në konsideratë këshillat e fansave të saj dhe vendosi që ta ndryshojë emrin.
Përmes një postimi në ‘Instagram’ ajo tregoi se nuk ka pasur asnjë qëllim të keq dhe se suksesi i saj ka ardhur nga marrëdhënia që ka ndërtuar me fansat, ndaj së shpejti do të prezantojë një emër të ri.
Pas kësaj edhe website “Kimono” u mbyll, duke treguar se Kim i çon deri në fund këshillat e ndjekësve. Kardashian ka treguar se ajo i ka përdorur korsetë për 15 vite me radhë, ndaj dëshiron që me linjën e saj ta përcjellë këtë gjë edhe tek gratë e tjera, veçanërisht tek ato që punojnë. Kim është një ndër personazhet më të kritikuar të rrjeteve sociale, megjithatë ajo vazhdon të mbetet një ndër më të ndjekurat.
