Mbrëmjen e djeshme Era dhe Nora Istrefi ishin dy nga artistet që elektrizuan skenën e “Coca Cola Summer Festival” në sheshin “Skënderbej”. Dy motrat kënduan hitet e tyre më të njohura dhe këngën që i bëri bashkë, “Nuk e di”. Në po të njëjtën ditë Era festoi 25-vjetorin e lindjes dhe gjatë festivalit mori një surprizë shumë të bukur nga fansat e pranishëm në shesh, të cilët kënduan njëzëri këngën e ditëlindjes.
Pas festivalit Era së bashku me miqtë e saj festoi në një nga baret e kryeqytetit, ku gjithçka ishte zbukuruar me rastin e ditëlindjes.
Përveç Norës dhe miqve që e shoqëruan në koncert, në festën e Erës nuk mungoi as Elvana Gjata, e cila ka qenë e pranishme si e ftuar speciale. Dy artistet kanë publikuar video në ‘Instagram’, në të cilat duket qartë se ruajnë një raport shumë të mirë miqësor.
Vitin e fundit Era Istrefi ka korrur shumë sukses në muzikë dhe sot renditet ndër artistet më të mira, ndaj këtë ditëlindje ka pasur një arsye më shumë për të festuar.
