DJ i familjes mbretërore në dasmën më të famshme të 2018-ës ishte Idris Elba dhe teksa ishte i ftuar së fundmi në një program të njohur amerikan, ai nuk i shpëtoi pyetjeve rreth kësaj eksperience.
Aktori zbuloi njërën nga këngët që u luajt duke u shprehur: “Listën e këngëve ma ka dërguar vetë Meghan dhe mes tyre ishte ‘I Wanna Dance With Somebody’ e Whitney Houston. Të gjitha këngët ishin specifike dhe nuk kam ndërhyrë aspak unë”.
Më tej Idris u shpreh se nuk do të zbulojë asgjë më shumë për raportin me familjen mbretërore dhe të fshehtat e asaj dasme.
Por ngacmimet vazhduan kur moderatori e pyeti nëse kishte këngë rep në dasmën mbretërore. Duke qeshur, Idris u shpreh: “Pyesni Meghan dhe Harry-n”.
Kujtojmë se vetëm pak muaj më parë, Idris Elba u shpall mashkulli më i bukur i vitit 2018.