Festivali “Kënga Magjike” pritet që të nisë në vjeshtë, dhe kësaj here do të vijë me disa ndryshime të mëdha si në përmbajtje, ashtu edhe në mënyrën e votimit për këngëtarët pjesëmarrës.
Deri tani ishin zbuluar katër emra të anëtarëve të jurisë, të cilët janë Arben Skënderi, Armend Rexhepagiqi, Jonida Maliqi dhe Dalina Buzi. Por sot “News31” ka konfirmuar emrin e pestë dhe të fundit i cili do të jetë pjesë e jurisë së festivalit.
Enkel Demi është anëtari i pestë, i cili do t’i bashkohet kolegëve në votim. Juria do të vendosë për fatin e të rinjve në “Best New Artist”, si dhe do të marrë pjesë në votimin final për të përzgjedhur fituesin e edicionit të këtij viti.
