Soni Malaj dhe Rezarta Shkurta janë mike të mira prej vitesh dhe shoqëria mes tyre ka qenë përherë në qendër të showbiz-it shqiptar.
Dy bukuroshet e ekranit duket se kalojnë shumë kohë në shoqërinë e njëra-tjetrës dhe këtë na e kanë lënë ta kuptojmë me postime të ndryshme në profilet përkatëse.
Por pak orë më parë ato kanë zbuluar një detaj shumë të veçantë.
Dy vajzat e tyre janë po ashtu shumë shoqe me njëra-tjetrën dhe ky është një detaj shumë i bukur. Pas postimit të një videoje nga mbrëmja në kinema për të parë ‘The Lion King’, zbuluam se Hera dhe Ana janë shoqet e ngushta të së ardhmes dhe ne mezi po presim t’i shohim teksa rriten së bashku.
Kujtojmë se Soni është disi më e rezervuar për të bijën, jo më kot fotot e tyre janë të rralla, ndërsa Rezarta është më e hapur në këtë aspekt.
