Mbrëmjen e djeshme, Bleona Qereti ka qenë e ftuar në emisionin ‘Sonte T7’ ku dhe ka folur për planet e saj në lidhje me karrierën kinematografike. Pyetur nga moderatori Shpend Lipa, Bleona ka zbuluar dhe këngëtaren e saj të preferuar në Shqipëri dhe momentalisht ajo që ‘e çmendte’ ishte Tayna. Sipas saj, Tayna i përket një rryme tjetër dhe pavarësisht se nuk vetë nuk është rritur me muzikë ‘hip hop’, i pëlqen ta dëgjojë sepse gjërat që thotë në këngët e saj janë të zgjuara. “Ajo është talent dhe atë e kupton vetëm dikush që është profesionit, ose nuk është xheloz. Ajo vajzë është perfekte, e dua”, është shprehur Bleona. Këto fjalë sigurisht i ka mirëpritur dhe Tayna, e cila të njëjtin fragment e ka publikuar në ‘Instastory-n’ e saj dhe ka shkruar: “Dhe unë të dua”. Tayna është kthyer në një nga artistet më të njohura, pasi ka qenë ndër të parat që ka sjellë repin në Shqipëri.
