Është njëra nga artistet më të kërkuara të estradës dhe e gjithë kjo në saje të projekteve të suksesshme që vazhdon të sjellë.
Fjala është për Orhidea Latifin – Kida, e cila është mjaft e angazhuar në mbrëmje dhe koncerte të ndryshme, thuajse në çdo vend të Kosovës.
Krahas koncerteve, bukuroshja jonë së fundmi ka realizuar edhe një set të ri fotografik, para aparatit të fotografit Guri Gashi.
E veshur me një kostum atraktiv ngjyrë gri, Kida ka rrëmbyer vëmendje me shaminë në kokë.
Zeshkania në janar të këtij viti është larguar nga kompania “On Records”, me të cilën bashkëpunoi për dhjetë vite rresht.
Tani, ajo nuk po ndalet së punuari në këngë të reja, ndërsa u mirëprit rikthimi i saj me bashkëpunimet që solli me Lyrical Son “Deja Vu” dhe Ermal Fejzullahun “Tela”.
