Moderatorja e njohur, Fjoralba Ponari, ka vendosur së fundmi që të bëjë një bashkëbisedim me ndjekësit e saj të shumtë në “Instagram”.
Fansat kanë qenë kuriozë për shumë gjëra e si pasojë pyetjet kanë qenë nga më të ndryshmet. Madje dikush e ka pyetur moderatoren nëse është lesbike.
Kaq ka mjaftuar që ajo të shpërthejë nga nervat, duke i dhënë fansit një përgjigje të gjatë.
“Aaa ky është nga ata meshkujt tipik që ofendon për vëmendje vazhdimisht, nga ata të lodhurit fare që s’kanë për të mësuar kurrë çfarë do të thotë të flirtosh me një femër.
Për t’ju përgjigjur pyetjes tënde:
Jo, por nëse do më duhej të zgjidhja mes mashkullit të fundit si puna jote dhe një femre, do zgjidhja femrën. Aq të mbaruar më duken soji yt”, ka qenë përgjigja e Fjoralbës për ndjekësin e saj.
Ndërkohë nga ana tjetër kujtojmë se moderatorja është në drejtimin e emisionit “Ora e Tiranës”, ndërsa në përgjigjet e saj në Instastory ka rrëfyer se nuk e sheh veten për shumë gjatë në televizion.
