Camila Cabello dhe Shawn Mendes bënë lidhjen e tyre publike pak kohë pasi publikuan këngën ‘Sinorita’. Që nga ajo kohë, dyshja është parë shpeshherë në praninë e njëri-tjetrit në ambiente publike, ku nuk kanë munguar puthjet apo përqafimet midis tyre. Kjo gjë disa fansave i është dukur si diçka shumë e bukur, pasi Shawn dhe Camila duken vërtetë të dashuruar, por pjesa tjetër e fansave mendon se lidhja e tyre është fallco dhe vetëm për të tërhequr vëmendjen e mediave, kjo sepse këngëtarët shfaqin afeksion gjithmonë kur shohin kamera pranë tyre. Sipas “Cosmopolitan” kjo mund të jetë sepse ata janë shumë të dashuruar dhe nuk e kanë problem ta tregojnë këtë para të gjithëve, megjithatë jemi ende në pritje të një konfirmimi zyrtar në rrjete sociale nga Camila ose Shawn.
