Dhurata e Alex Rodriguez për të fejuarën e tij, ishte pa diskutim interesante, shkruan Today.
Jennifer Lopez e pranoi se nuk ka vozitur kurrë veturë, pasi i fejuari Alex Rodriguez i dhuroi asaj një “Porsche” në vlerë 140.000 dollarë me rastin e ditëlindjes së 50-të.
Alex e befasoi këngëtaren me një veturë të kuqe, ditën kur ajo po festonte ditëlindjen e 50-të.
“Oh, Zoti im! Unë kurrë nuk kam pasur një makinë si kjo. Unë kurrë nuk kam drejtuar makinë”, ka thënë ajo.
Megjithatë, kur u afruan tek vetura e re, Jennifer është parë teksa u ul në vendin e shoferit, kurse Alex në atë të pasagjerëve.
Por, nëse ajo ka nevojë për dikë që e mëson të vozis, Alex shprehet i gatshëm t’i ndihmojë asaj.
“Unë jam i gatshëm t’i jap mësimet asaj,” tha me shaka ai.