Bella Hadid dhe The Weeknd janë ndarë për herë të dytë.
Sipas E! News, modelja 22-vjeçare dhe këngëtari 29-vjeçar i hitit “Starboy” kanë kaluar shumë kohë së bashku, ndërsa punonin në karrierën e tyre, gjë që ka shkaktuar tension.
“Ata janë në vende të ndryshme tani, fizikisht dhe mentalisht”, tha burimi i brendshëm, shkruan DailyMail.
“Bella po përgatitet për angazhimet e javës së saj të modës dhe Abel (The Weeknd) është duke punuar në muzikën e tij dhe debutimin e tij të ardhshëm në aktrim”, shtoi më tej burimi.
“Ata kanë debatuar shumë kohët e fundit. Ata shpresojnë të kthehen së bashku në një moment, por tani për tani po përqendrohen në veten e tyre dhe projektet e tyre”, potencoi më tepër ky burim.
Ata së pari filluan takimet në vitin 2015, kur u takuan rastësisht në festivalin “Coachella”. Por në dhjetor të atij viti, ata u ndanë.
Në shkurt ata u ribashkuan por më pas u ndanë përsëri në fund të vitit 2016.
Në korrik të vitit 2018 Bella dhe The Weeknd u rikthyen përsëri në krahët e njëri-tjetrit.
Ata nuk janë parë së bashku prej muajsh.
