Princi William dhe Kate Middleton morën pjesë sot në një garë varkash fitimet e së cilës do të shkojnë për bamirësi. Por ajo që ka tërhequr më shumë vëmendje është një video e shkëputur nga ky aktivitet.
Çiftit mbretëror iu bashkuan edhe dy fëmijët e tyre Princi George dhe Princesha Charlotte, e cila na dhuroi një moment argëtues.
Dihet që Chalotte nuk e ka marrëdhënien shumë të mirë me fotografët (rikujtojmë episodin kur në pagëzimin e Princit Louis u tha fotografëve se nuk do të hynin brenda).
Kur e ëma i tha të përshëndeste me dorë fotografët, Princesha nuk e mendoi dy herë para se t’u nxirrte gjuhën kamerave dhe Kate bëri reagimin më qesharak të mundshëm.
Ashtu si çdo nënë ndaj veprimeve të pamenduara të fëmijëve, edhe dukesha u vendos në siklet dhe nuk dihet se çfarë i tha princeshës, por nuk mundëm ta mbanim të qeshurën me fytyrën e saj në këtë video.