Këngëtarja e famshme shqiptare Rita Ora e cila po korrë suksese gjithandej nëpër botë me projektet e saj muzikore vazhdimisht është shprehur krenare me vendin e origjinës, pra me Kosovën dhe shqiptarët në përgjithësi.
Ajo duke qenë se është tejet e ndjekur në arenën ndërkombëtare është njëkohësisht edhe një ‘ambasadore’ e mirë për vendin tonë.
Së fundmi Rita ka publikuar në llogarinë e saj në Instagram një sekuencë të këngës së re të Dafina Zeqirit dhe Taynës, me titull “Bye Bye”, duke u shprehur mjaft krenare me këtë projekt të tyre.
“Mund të them pse ne vajzat nga Kosova jemi aq të mira?! Unë e dua vendin nga vi dhe dua të shoh femrat se si vetëm e marrin kontrollin dhe të jenë vetvetja si dhe të jemi frymëzim! Faleminderit vajzave që përfaqësojnë lirinë dhe duke u treguar vajzave tjera se sa mirë është të jenë të lira dhe seksi në të njëjtën kohë! Vazhdoni vajza.” : shkruan Rita Ora.
Kujtojmë që kënga e Dafinës në bashkëpunim me Taynën është pritur mjaft mirë nga publiku.