Quentin Tarantino do të bëhet baba. Regjisori me famë botërore po pret fëmijën e parë me bashkëshorten Daniela Pickun.
Kështu së paku ka njoftuar çifti për revistën “People” duke thënë se janë tejet të lumtur të ndajnë këtë lajm.
“Daniela dhe Quentin Tarantino janë të lumtur të njoftojnë se janë në pritje të një fëmije”, thuhet në njoftimin e çiftit.
Skenaristi dhe regjisori u njoftua me Danielën, vajzën e këngëtarit izraelit, Svika Pick, në vitin 2009 ndërsa promovuan filmin “Basterds Inglorious”. Çifti u fejua në qershor të viti 2017 pas një lidhje që zgjati rreth një vit.
Tarantino dhe Daniela u martuan në një ceremoni intime në muajin nëntor të vitit të kaluar në Los Angeles.
Ndryshe, 56-vjeçari para se takonte 35-vjeçaren kishte thënë se nuk ka kohë për martesë duke shpjeguar se puna po ia merrte tërë kohën.
