Shailene Woodley i është bashkuar kastit të After Exile!
Aktorja 27-vjeçare ka nënshkruar kontratë për t’iu bashkangjitur Robert De Niros dhe Shia LaBeouf në dramën e ardhshme.
Filmi ka të bëjë me historinë e Mike Delaney, i cili pasi lirohet nga burgu për shkak të vrasjes së një personi të pafajshëm gjatë një plaçkitjeje të dhunshme, i duhet të rikthehet në jetën e dikurshme ku ai dhe babai i tij ish-kriminel tentojnë ta shpëtojnë vëllanë e tij të vogël nga e ardhmja vdekjeprurëse e drogës dhe krimit.
Shailene do ta luajë rolin e Dana-s, gruas e cila u rrit me Mike dhe lidhja problematike e të cilëve i çon në jetën e drogës dhe depresionit.
Xhirimet e filmit janë planifikuar të nisin në nëntor në Filadelfia.
