Duket se Arta Nitaj nuk po mund t’i hiqet PDK-së.
Aktorja e cila është bërë e njohur për rolin e Xhesikës në serialin ‘O sa mirë’, është përfolur shumë si për fizikun e saj, ashtu edhe për lidhjet e dashurisë.
E lidhja më e përfolur e Artës ishte padyshim ajo me djalin e Hashim Thaçit, Enditin, shkruan Gazeta Express.
Megjithëse lidhja e tyre nuk është konfirmuar asnjëherë nga asnjëra palë, një periudhë mjaft e gjatë kanë qenë një temë diskutimi, sidomos në media.
E tani në fazën e anëtarësimeve dhe aderimeve në kohën para zgjedhjeve, ku shumë artistë kanë vendosur t’i bashkohen politikës, edhe Arta ka vendosur ta marrë këtë hap.
Arta ka zgjedhur pikërisht partinë që themeloi babai i Endritit, PDK-në, për t’i hyrë kësaj rruge.
Aktorja në një postim ka shkruar: “Nga sot fillova rrugëtimin tim të ri në fushën e politikës. Në Dekadën e Re të Partisë Demokratike të Kosovës, ku frymëzim për mua ishte Ariana Musliu Shoshi, anëtarja me vlerat më të larta njerëzore dhe intelektuale”.
Ajo ka postuar madje edhe fotografinë ku shihet në selinë e kësaj partie.
