Princi Harry dhe Meghan Markle kanë punësuar një dado të re për djalin e tyre 3 muajsh Archie, dhe nga sa duket, janë shumë të lumtur me zgjedhjen e tyre. Sipas Entertainment Tonight, Duka dhe Dukesha e Sussex-it punësuan një dado të re në muajin korrik për t'u kujdesur për Archie dhe deri tani, e konsiderojnë "një bekim".
Dadoja e re u zbulua duke shoqëruar prindërit në pushimet e tyre të fundit në Francë, por pritet gjithashtu edhe që ata të udhëtojnë bashkë me Archie në turneun mbretëror të Harry dhe Meghan në Afrikën e Jugut, në tetor.
Prindërit mbretërorë nuk punësuan menjëherë një dado kur lindi Archie në maj, sepse në vend të saj, ata kërkuan ndihmë nga nëna e Meghan, Doria Ragland, e cila qëndroi me të bijën dhe dhëndrin në Frogmore Cottage që nga mesi i prillit derisa erdhi në jetë Archie. Punësimi i një dadoje (e treta që nga lindja e Archie) është vetëm një nga disa punësime të reja në familjen mbretërore, pasi familja e tre po përgatitet për një vjeshtë të ngjeshur, madje edhe Meghan pritet t'u kthehet detyrave të saj.
