Të gjitha vajzat shqiptare, që janë bërë të njohura në mbarë botën kanë treguar gjithmonë se janë mjaft krenare me origjinën e tyre.
Megjithatë, duke qenë se ato janë rritur e janë lindur në Mbretërinë e Bashkuar ose në SHBA, rrallë ka ndodhur që t’i dëgjojmë të flasin shqip.
Gjithsesi kjo nuk do të thotë se ato nuk e njohin mirë gjuhën e tyre dhe këtë gjë Rita Ora e ka vërtetuar me një video të publikuar së fundmi.
Këngëtarja ka ripostuar në ‘Instagram’ një video të publikuar nga fansat e saj, në të cilën Rita shihet duke komunikuar shqip me një djalë të vogël.
Përkrah imazheve fansat e saj kanë shkruar: “Rita duke folur shqip me fëmijët shqiptarë është gjëja ime e preferuar në këtë botë”.
Siç duket këngëtares i ka pëlqyer shumë ky klip i shkurtër, ndaj nuk është menduar ta ndajë me ndjekësit e saj dhe të tregojë se ajo do e përfaqësojë gjithmonë Shqipërinë.
Rita Ora e ka vizituar shpeshherë vendlindjen e saj dhe madje ka kontribuar në zhvillimin e mirëqenien e Kosovës.
