Blero dhe Afrona Dika kurorëzuan vetëm dy ditë më parë dashurinë e tyre në martesë. Çifti zgjodhi ta zhvillonte ceremoninë në Shëngjin, aty ku dhe ishin prezent personazhe të ndryshëm nga ‘showbiz-i’ shqiptar. Këngëtari i njohur dhe partnerja e tij nuk ngurruan të publikojnë momente të ndryshme nga dasma, ku shfaqeshin më të lumtur se kurrë për këtë ditë speciale në jetën e tyre.
Ndërsa së fundmi ka qenë Afrona ajo e cila ka ndarë me të gjithë ndjekësit në rrjetet sociale disa foto të papublikuara nga dasma. Në to shfaqet dyshja duke vallëzuar të qeshur krah njëri-tjetrit. “Përgjithmonë”, ka shkruar Dika krah postimit i cili ka marrë menjëherë komente të ndryshme nga fansat.
Edhe Blero ka publikuar momente të ndryshme nga ceremonia e tij duke mos e fshehur entuziazmin dhe lumturinë e tyre. Fill pas dasmës pritet që Afrona dhe Blero të nisen për muaj mjalti në ishujt Hawai, ashtu siç kanë zbuluar disa ditë më parë.
