Derisa të tjerët kanë zgjedhur të mbledhin simpatizantët e tyre në lokale të ndryshme, e të bëjnë fushatë zgjedhore duke takuar derë me derë qytetarët, kandidati për deputet nga radhët e AAK-së ka zgjedhur një mënyrë tjetër.
Jeton Zogjani, i cili njihet si “Drenicaku” për shkak të rolit të tij në serialin komik “O Sa Mirë”, përmes një videoje të publikuar në llogarinë e tij Facebook, ka treguar se ka dalë në rrugë për të shpërndarë vizitkartat, por që sipas tij nuk po ndalon askush.
“Dola me i shpernda vizitkartat, po s’o ka nalet kerkush”, ka shkruar ai.
E kjo video e tij ka marrë shumë komente qesharake. Sigurisht duke qenë aktor, Jetoni ka zgjedhur një mënyrë kreative për të “grumbulluar” vota, duke synuar një ulëse në parlament.
