Reperi i njohur Getinjo është mjaft aktiv dhe i ndjekur në Instagram ku numëron 400 mijë ndjekës. Vazhdimisht ai bën postime të ndryshme të cilat marrin mjaft vëmendje.
Këto kohë ai ka qenë shumë aktiv në muzikë dhe kënga e tij e fundit mban titullin “Feuer”, në bashkëpunim me Loredanën. Mbrëmjen e sotme ai i ka habitur fansat pasi përmes një postimi të bërë në Instagram, ka lajmëruar se po largohet nga muzika, duke mos dhënë asnjë arsye.
Më pas ai e ka përgënjeshtruar këtë lajm, duke bërë një postim pasues ku konfirmon dhe albumin e ri. ‘Hahahahah ngadalë se shaka po bëj, albumi është gati”, ka shkruar ai.
