Zac Hanson ka folur për gjendjen e tij pasi është lënduar në një aksident me motor gjatë kësaj jave.
Këngëtari 33 vjeçar, më i riu nga vëllezërit Hanson, ishte duke planifikuar një udhëtim me motorin e tij kur përplasja ndodhi në Oklahoma.
“Të mërkurën isha i përfshirë në një aksident me motorin tim ndërsa po përgatitesha për një udhëtim. Megjithëse përfundova me tre brinjë të thyera, asgjë nuk është serioze. Do të shërohem me pak pushim dhe kohë”, shkroi Zac në rrjete sociale.
Ai shtoi: “Fatmirësisht, me veshje mbrojtëse të një cilësie të mirë, unë kam qenë në gjendje të shpëtoj”.