Soni Malaj pritet të ngjitet ditën e nesërme në skenën e “Kënga Magjike” për të performuar këngën e saj “Shije tradhëtie”.
Përveç Sonit duket se emocionet për pjesëmarrjen e saj i ndjejnë edhe miqtë e artistes, të cilët i kanë uruar suksese.
Një dedikim më special i ka bërë mikesha e saj më e mirë, Rezarta Shkurta, e cila ka provuar vetë emocionet e “Kënga Magjike”.
Rezarta ka publikuar në ‘Instagram’ një video nga prapaskenat e “E diela shqiptare”, ku Soni prezantoi për herë të parë këngën e saj.
“Si ta shpreh me fjalë shpirti adhurimin që kam për ty Soni Malaj? Super vokal, por jo vetëm, me super performanca nga më të ndryshmet në këto 22 vite karrierë. Ende pa nxjerrë notat të flet fytyra, pasqyrë e shpirtit tënd të bukur, e të ndjeshëm. Për të gjithë ata që të njohin ndër vite e dinë se ti do vetëm të bësh mirë dhe kjo të bën akoma më e bukur seç je! Ke ngritur një karrierë gjaku, mundi, në një Shqipëri të varfër pa shkelur asnjëherë në parimet e tua, pa shkelur asnjëherë te njerëzit që të rrethojnë për t’u kacavjerrur suksesit siç ne jemi dëshmimtar për shumë e shumë… Prandaj për mua je shqiponja e skenës shqiptare!”, ka shkruar Rezarta në postimin në ‘Instagram’.
