Selena Gomez ka zbuluar më anë të postimeve në ‘Instagram’ datën e publikimit të albumit të saj më të ri muzikor, të titulluar ‘Rare’. Këngëtarja është shprehur mjaft e emocionuar, duke treguar se kjo është muzika më e sinqertë që ka bërë ndonjëherë.
“Nuk mund ta besoj se po zbuloj artin dhe titullin për albumin tim të ri ‘Rare’ në 10 Janar. Thjeshtë muzika më e sinqertë që kam bërë ndonjëherë dhe nuk mund të pres që të dëgjoni zemrën time”, ka shkruar Gomez krah videos ku shfaqet e veshur bardhezi.
Albumin i fundit i Selenës do të përmbajë 13 këngë, ndër të cilat do të jenë ‘Dance Again’, ‘Ring’, ‘Vulnerable’, ‘Kinda Crazy’, ‘Fun’, ‘Cut Your off’ e shumë të tjera, të cilat fansat po i presin me padurim.
